Dismayado an Labor Group sa Rehiyon Bicol huli ta kakarampot an aprubadong dagdag sa sweldo kan mga obrero sa Rehiyon Bicol.
Sa intrevista kan Bombo Radyo Naga ki Jen Nagrampa, Chairperson kan Bicolana Gabriela, base sa pakikipag ulay kaini sa Labor group, kulang an inaprubaran P45 na dagdag sahod kan mga obrero.
Sigon ki Nagrampa, buwagon an RTWPB o an provincial rate orog na ngunian na padagos na naglalangkaw an presyo kan barakalon, P1,200 man giraray an saindang kahurutan na ipa-utob sa bilog nasyon o an inaapod na ‘ family living wage.’
Sigon sa Gabriela Bicolana, an mga Pinoy kaipuhan nin mabuhay na igwa nin dignidad asin an P45 na dagdag-sahod kulang lalong lalo na sa mga ordianryong obrereo huli ta an domino effect sa mga obrero na kun sain an P455 to P480 na sweldo kan sarong empleyado kulang asin higpit sinturon pa man giraray an mga obrerong pilipino.
Pangapodan kan Bicolana Gabriela na dangugon kan Presidente an saindang kahagadan na aprubaran an P1,200 na family living wage.
Dagdag pa ni Nagrampa na an mga empleyadong nasa ahensya kan satuyang gobyerno asin salary grade na nag-aabot P50,000 pataas an sweldo, daing gayo namamati an epekto kan krisis alagad an mga minimun wage earners inaabot P13 hasta P15,000 an sweldo, masakit budgeton an sahod lalo na kun igwa nin mga pinapaeskwela, nagrerenta sa harong, nagbabayad tubig, kuryente asin iba pang mga kapuhan bayadan.
