Pigbalewala ni Senate President Pro Tempore Panfilo “Ping” Lacson an pinag-uurulayang igwang humang pagriribay sa pamayuhan kan Senado, asin pigladawan an mga ini komo sarong pauru-utrong taktika na haloy nang piggagamit tanganing magkriar nin intriga sa laog kan institusyon.
Ini an kasunod kan paglakop kan mga huring-huding na igwang nag-uusbong soboot na kilusan tanganing ribayan an presenteng pamayuhan kan Senado, huli ta dae soboot naoogma an nagkapirang lehislador sa liderato ni Senate President Vicente “Tito” Sotto III.
Sigun ki Lacson, dae na bago an siring na mga espekulasyon asin maikokonsiderar na parte kan haloy nang kawat pampulitika sa Senado.
Puon pa soboot kaidto, igwa na man nagporbar na paluyahon an pamayuhan sa paagi kan tsismis asin haka-haka, alagad dae ini nagbunga.
Sa sarong pahayag, pigsaladawan ni Lacson an nasambitan ng mga huma sa sarong “continuing crime,” na soboot pirming nag-iiral alagad bihirang magkatotoo.
Nilinaw man kan senador na mayong opisyal na lakdang o kumpirmasyon gikan sa linyada kan mayorya dapit sa pigsasabing pagbalyo kan suporta o pagbabago nin liderato se Senado.
Mientrastanto, garo baliktad ini sa pahayag ni Sotto kan nakalihis na Biyernes kun saen sinabi kaining igwang mga pagkakataon na nagsusurubahan kaibahan an nagkapirang miyembro kan minorya kaibahan sinda Senator Bong Go asin Senator Robinhood padilla kan posibleng pagbalyo sa mayorya.
Mantang marurumduman man na kan nakalihis na Oktubre kan nakalihis na taon, maduon man na pinahimutikan ni Lacson an parehong mga alegasyon asin inapod an mga ini komo lumang taktika na obhetong ribungon an publiko asin maghasik nin pagkakabaranga sa laog kan mayorya.
