Pigsierto ni Senador Ping Lacson na kun enkaso mabaliktad an desisyon kan Korte Suprema sa impeachment case konta ki Vice President Sara Duterte, papangenotan kaini an mosyon tanganing ma-pull oout sa archive kan Senado an impeachment complaint asin maidulok liwat sa impeachment court.
Marurumdumang si Lacson an sulementng nagbotong abstain na i-archive an articles of impeachment kontra ki Duterte.
Sigun sa senador, apwera sa saiya, posibleng makaibahan kaini si Senate Minority Leader Tito Sotto na mag-mosyon tanganing makua ini sa archive asin mapag-ulayan liwat.
Sigun pa ki Lacson, alagad maski mas marhay na i-archive imbes na dagusang i-dismiss an articles of impeachment, masalimuot pa man giraray an proseso kun enkaso magbago an desisyon kan Korte Suprema asin tugotan an impeachment trial.
Ipinaliwanag kaini na sa pag-archive, kaipuhan pa nin panibagong mosyon sa plenaryo tanganing liwat iluwas an kaso gikan sa archice na masairaro sa debate asin botohan.
Basado soboot sa saiyang obserbasyon, matindi an pagtutol kan mayorya sa pagpapabusol kan trial, kaya posibleng dae ini liwat buhayon.
Dugang pa kaini, malinaw na kaipuhan nin boto kan mayorya sa plenary tanganing makalusot an mosyon, bakong bastante an limang boto na karaniwang naangkop sana sa committee hearings.
Enot nang sinaysay ni Senador Win Gatchalian na igwang duwang paagi tanganing liwat maibweltada sa order of business kan Senado an articles of impeachment kontra ki VP Sara.
Sigun sa senador, pwedeng maganap ini sa paagi kan boto kan limang senador tanganing mahugot gikan sa Senate archive an impeachment complaint, o pagsuspinder kan mga rules sa paagi kan boto kan mayorya o 13 senador.
Paliwanag pa ni Gatchalian, kaipuhan sana na igwang magsunad nin mosyon tanganing ibweltada an impeachment case sa plenaryp asin saka pagbotohan.
Kun maski lima sana an magtugot digde, liwat na pag-uurulayan an kaso.
Siring man, pighurot kan senador na nakadepende pa man ini sa magigin desisyon kan Korte Suprema.
