Preparado nang pamayuhan liwat ni Senate President Pro Tempore Ping Lacson an Blue Ribbon Committee na nag-iimbestigar sa maanomalyang flood control projects.
Sa pulong balitaan, sinaysay ni Lacson na kun enkaso e-elihir ini sa plenaryo, aakuon kaini an chairmanship tanganing maipagpadagos an naudlot na imbestigasyon.
Dugang pa kaini, preparado man ini sa posibleng pagkwestiyon kan nagkapirang senador sa anumang magigin desiyon o direksiyon kan pagsisiyasat katakod kan flood control scandal.
Napag-ulayan na man soboot ninda ni Senate President Tito Sotto an posibilidad na ma-destabilize an saiyang leadership sa oras na magtukaw ini komo chairman kan komite.
Mientrastanto, sa liwat na ikakasar na pagdangog kan komite, igwa soboot ihahampang si Lacson na sarong “very important witness” na malantad kan mga panibagong rebelasyon katakod kan soboot iregularidad sa mga flood control project.
Sigun ki Lacson, an testimonya kaini an makakatabang tanganing maisarado an gabos kan mga natatadang isyu asin mapakusog an kaso kontra sa mga imbwelto.
Nagsayuma si Lacson na pangaranan an nasambitan ng testigo, alagad sinaysay kaining igwang iluluwas ining importanteng impormasyon sa pagdangog.
Pigtawan-duon kan senador na parehong mga bagong pangaran asin dati nang nabanggit na personalidad an posibleng maimbwelto basado sa ilalahad kan testigo.
Kan haputon kun an testigo ba an kusang nagrani sa saiyang opisina, sinaysay ni Lacson na igwang “conduit” o tagapamagitan sa saindang komunikasyon.
Nakatalaan an masunod na pagdangog kan Senate Blue Ribbon Committee sa November 14, depende pa sa pag-aprobar kan Senate Committee on Finance.
