NAGA CITY- Pigtawan onra kan lado nin edukasyon sa siyudad nin Naga an gabos na obrero, indibidwal, grupo na nagtataong sakripisyo tanganing makatabang sa pagpapauswag kan nasyon kasabay kan pagselebrar kan Aldaw nin Katanglikasan.
Sa nagin patara-tara ni Fernando Macaraig, Deped-Naga Assistant Schools Division Superintendent, sinaysay kaini na ngunyan na aldaw, pigtatawan nin pagbisto asin importansiya an mga bayani na nagbuwis kan saindang buhay tanganing maeksperyensiyahan kan gabos na mga Pilipino an kasarinlan sa presente.
Katakod kaini, pigtawan duon kan opisyal na hamon para sa mga jovenes kan presenteng henerasyon an pagsustenar asin pagproteher sa derechos kan nasyon.
Kadakol kaya soboot na mga angat an kinakahampang kan Pilipinas, mga isyu na napapanahon na kaipuhan simbagan asin mga huma na dara kan ibang mga nasyon. Huli kaini, kaipuhan an pagkasararo asin pagtatarabangan tanganing mamantinir na libredo an nasyon.
Sa ngunyan, hagad na sana kan opisyal na magiriduman kan gabos na mga Pilipino an saindang mga responsibilidad sa pagpapa-angat kan Pilipinas.
