Nakua kan National University an pangaturugan nindang four-peat kan magkampeon an mga ini sa katatapos na 2025 Shakey’s Super League (SSL) Preseason Unity Cup kan nakalihis na Sabado nin pagkabanggi na pigkundusir sa Rizal Memorial Coliseum sa Vito Cruz Manila.
Igwa nin panibagong misyon an Lady Bulldogs–ini an three-peat sa UAAP sa masunod na taon.
Dinaog kan NU an University of Sto. Tomas sa saindang best-of-three finals alagad nadipisilan an Marcelino-based squad antes man na sinikwat an 22-25, 25-22, 25-27, 25-23, 15-10 kapangganahan sa Game 2.
Sinda team captain Vange Alinsug asin man rookie Sam Cantada an sinarigan kan NU tangani makua an dipisil na traympo.
Inamin ni Diego na makusog na koponan man an UST kaya nasakitan sinda antes na namantinir an korona sa saindang lado.
Pigmirar na MVP of the Game si Alinsug sa kinamadang 19 points gikan sa 16 attacks, asin tig tulong blocks asin service aces.
