Arestado an sarong lalaki makalihis suboot na maghabon nin LPG tank sa Naga City.
Sa intrevista kan Bombo Radyo Naga kay PCTP. Sarah San Buenaventura, Officer-In-Charge kan Naga City Police Station 3, tulos na nag-aksyon an mga awtoridad makalihis na makaresibe nin report manungod sa insidente.
Nagresponde an mga pulis asin kalaunan naaresto an suspek. Narekober man hali sa suspek an LPG tank na sinasabing tighabon.
Padagos an imbestigasyon kan pulisya tanganing makompleto an mga detalye kan insidente asin matukoy kun igwa pang ibang posibleng sangkot.
Nasa kustodiya na kan Naga City Police Station 3 an suspek mantang inaandam an kaukulang reklamo laban sa saiya.
Padagos man na pinapaalalahanan kan pulisya an publiko na magin mapagmatyag asin agad i-report an ano man na kahina-hinalang lihok sa saindang lugar.
