NAGA CITY- Arestado an sarong lalaki makalihis an ikinasang buy bust operation kan mga otoridad sa Lucena City Binisto an suspek na si alyas Sam, 41-anyos asin residente kan Purok 3B, Brgy. Dalahican, sa nasambitan ng siyudad.
Sa nagunong impormasyon kan Bombo Radyo Naga sa Quezon Police Provincial Office, napag-araman na nakabakal sa suspek an poseur buyer nin sarong pidaso kan heat sealed transparent plastic sachet kan pinagtutubodang shabu gamit an P500 komo buy bust money.
Sa isinagibong patch search, nakumpiskar pa sa suspek an sarong Caliber 38 revolver na badil, duwang live ammunitions kan Caliber 38 na badil asin an saro pang pidaso kan heat sealed transparent plastic sachet kan pinagtutubodang shabu.
Mientrastanto, igwa man nin gabat na 5.35 grams an mga nakumpiskar na shabu asin nagkakantidad nin poco mas o menus PHP 109,140.
Sa ngunyan, nasa kustodiya na kan mga otoridad an suspek para sa magkakanigong disposisyon.
