NAGA CITY- Dead on arrival an sarong lalaki makalihis magsapo nin taga sa manlaenlaen parte kan saiyang lawas sa Sitio Sugod Guilid-guilid, Zone 1 Brgy. Palsong, Bula, Camarines Sur.
Binisto an biktima na si Edmundo Ballecer.
Sa nagunong impormasyon kan Bombo Radyo Naga napag araman na nagkaigwa suboot nin dai pagkakasinabutan sinda Ballecer asin an suspek na si Bobby Orosco, 28 anyos, kun sain napuli ini sa pananaga kan suspek sa biktima.
Nagsapo nin hararom na lugad sa saiyang liog an biktima na tulos idinalagan sa ospital alagad ideneklarar na ining dead on arrival kan mga doktor.
Tulos man suboot naaresto kan mga otoridad an suspersado na napag aramang paryentes kan nasambitan ng biktima.
Sa ngunian, nasa kustudiya na kan mga otoridad an suspek sa nasambitan ng krimen mantang pinepreparar na man an maninigong kasong isusunad kontra digdi.
