NAGA CITY- Dead-on-the spot ang hindi pa nakikilalang biktima matapos na pagbabarilin ng hindi pa nakikilalang suspek sa Sitio Sampaloc Lakers, Candelaria, Quezon.
Kinilala ang biktima na isang lalaki na nakasuot ng yellow t-shirt at asul na shorts at tinatayang nag-eedad 20-30-anyos.
Sa nakalap na impormasyon ng Bombo Radyo Naga sa Quezon Police Provincial Office, napag-alaman na pasado alas-8:35 ng gabi noong Nobyembre 5, 2023 nang makarinig umano ang mga residente ng putok ng baril. Matapos nito, dito na nga tumambad sa kanila ang katawan ng isang lalaki na mayroong tama ng bala ng baril sa kanyang ulo na naging dahilan sa agaran nitong kamatayan.
Sa inisyal na imbestigasyon pa ng mga otoridad, nakumpiska naman sa pinangyarihan ng krimen ang tatlong fired cartridge case ng caliber 45 na baril.
Sa ngayon, nagpapatuloy pa ang isinasagawang hot pursuit operation ng mga otoridad para sa agarang pagkakahuli ng suspek
