NAGA CITY- Gadan an sarong lalaki makalihis na pagsasaksakon sa barangay Poblacion, Atimonan, Quezon.
Binisto an biktima na si Jaypee Francisco, 27 anyos.
Sa nakuang impormasyon kan Bombo Radyo Naga, napag-araman na mabakal sana suboot nin pamanggihan an biktima kaibanan an saiyang live-in partner asin an 1 year old na aki kan bigla na sana ining pagsasaksakon kan suspek na si Walter Dequina.
Tulos man na nagdulag an suspek bitbit an ginamit na patarom makalihis an krimen.
Nagsapo nin lugad sa saindang lawas an biktima asin tulos man ining naidalagan sa ospital alagad pigdeklarar na ining dead on arrival kan mga doktor.
Sa ngonyan, padagos pang hinahanap kan mga otoridad an nasambitang suspek mantang inaandam na an kasong isasangat laban saiya.
