NAGA CITY– Gadan an sarong lalaki makalihis pagtarabangang pagtatagaon kan limang suspek sa Zone 4, Brgy. Minadongjol, Sagñay, Camarines Sur.
Binisto an biktima na si Allan bantal, 35 anyos.
Sa nagunong impormasyon kan Bombo Radyo Naga napag araman na nasa gilid sana kan gate kan basketball court sa nasambitang barangay an biktima kan biglang mag-abot an limang suspek na sinda Godo Canicula, 34 anyos, Abdon Dacillo, 48 anyos, Eduardo Canicula, 25 anyos, Jesus Canicula, 29 anyos asin Gilberto Canicula, 25 anyos asin pinagturuwangang pagtatagaon an biktima.
Huli digdi nagsapo nin tama manlaenlaeng parte kan saiyang lawas an biktima na tulos idinalagan sa ospital alagad ideneklara ining dead on arrival kan mga doktor.
Sa ngunian, nagpapadagos pa an imbestigasyon kan mga otoridad sa nasambitang pangyayari.
