NAGA CITY – Gadan an sarong lalaki makalihis na tagaon sa banwaan kan Pili, Camarines Sur.
Binisto an biktima na residente kan barangay Palestina sa nasambitan ng banwaan.
Sigun ki PCPT. Elias Sta. Cruz, Operation Officer kan Pili Municipal Police Station, dae na soboot napugulan kan suspek na sarong senior citizen an pangbu-bully na ginigibo saiya kan biktima siring na sana kan pagsuntok sa saiya kun kaya nagibo kaining tagaon an biktima.
Dugang pa kan opisyal, basado man sa saindang pigsagibong imbestigasyon, igwang haloy naman na alitan sa pag-ulatanan kan mga nasambitan ng indibidwal na nagresulta sa krimen.
Nataga man kan suspek sa liog an biktima komo pagdepensa sa pangsusuntok kaini sa saiya.
Katakod kaini, tolos man kutang pigdara an biktima sa ospital alagad pigdeklarar man sana ining dead-on-arrival kan mga doktor.
Sa ngunyan, nasa kustodiya na kan mga otoridad an suspek makalihis na boluntad magsuko sa mga otoridad asin mahahampang sa magkakanigong kapadusahan.
