Aram baya nindo mga ka-Bombo na sarong lalaki gikan sa Colorado an nanggana nin $20,000 gikan sa sarong scratch-off lottery ticket kun saen kan nakalihis na bulan, liwat ining nagbweltada sa lottery headquarters tanganing kolektaron man an saro pang $1,000 na napangganahan kaini gikan sa parehong kawat.
Sigun sa mga opisyal kan Colorado Lottery, si Michael B., residente kan Grand Junction, an madalas na nagtataya sa parehong scratch-off tickets asin draw games, asin kasuarin sana, pirmi ining nagbabakal nin Frenzy scratch-offs.
Kan nakalihis na Enero, nagtao sa saiya an nasambitan ng kawat nin $20,000 na premyo.
Nagbweltada si Michael sa lottery headquarters kan nakalihis na semana asin nanggana liwat nin dugang na $1,000 gikan sa saro pang Frenzy ticket.
Sinabi kan nanggana na itatagama kaini an saiyang napangganahang kwarta sa saiyang ipon.
