Aram baya nindo mga ka-bombo, an 64-anyos na lalaki gikan sa Cyprus, liwat na naipuli an Guinness World Record sa paagi kan pagbalanse nin nasa 511 wine glasses sa saiyang payo sa laog nin 15 segundo.
Binisto ini na si Aristotelis Valaoritis, sarong professional glass dancer kun saen an wine glass na saiyang pigbalanse an igwang gabat na nagpapakol sa 139 pounds asin naka-arranged na garo bloke kan plywood sa pag-ultanan kan mga layers.
An bloke pigtaas gamit an sarong forklift hasta na si Valaoritis makatindog sa irarom kaini asin makaya an gabat.
Nagtindog ini nin nakabalanse an 511 na baso sa saiyang payo sa laog nin 15 segundo antes na ibalik an bloke sa forklift na mayong nahulog an arin man sa mga baso.
Marurumduman, an Glass dancing an sarong traditional performance sa Cyprus na kinababalihan kan pagdugang nin mga baso na pigbubugtak sa payo antes na mahulog.
Mientrastanto, naipuli naman ni Valaoritis an titulo alagad ini an nalampasan kan sarong indibidwal.
