NAGA CITY– Irido an sarong lalaki makalihis pagbabadilon kan saiyang tugang sa Barangay Bahao, Libmanan, Camarines Sur.
Binisto an biktima na si Domingueto Flordeliz, 48-anyos.
Sa nagunong impormasyon kan Bombo Radyo Naga ki PC/Insp. Chito Oyardo, sinaysay kaini na mantang naglalakaw an biktima pasiring sa harong kan saiyang tiyaon kan bigla ining binadil kan bunsong tugang na si Marcelo Flordeliz, 46-anyos.
Nagsapo nin lugad sa saiyang lawas an biktima na tulos mang idinalagan sa ospital.
Sa inisyal na imbestigasyon, napag-araman na haloy nang may dai pagkakaintindihan an magtugang huli sa iwal suboot sa daga.
Sa ngunian pinepreparar na an kasong isusunad kontra sa nasambitan ng suspek.
