NAGA CITY– Irido an sarong lalaki makalihis pagsasaksakon kan burat na suspek sa kalabaan kan tinampo sa Brgy Caridad Ibaba, Atimonan, Quezon.
Binisto an biktima na si Ryan Badua, 32 anyos.
Sa nagunong impormasyon kan Bombo Radyo Naga napag araman na naglalakaw sana papuli sa saindang harong si Badua kan bigla na sana ining ranihan kan burat na suspek na si Mary Joy Celada, 31 anyos na napuli sa diskusyunan asin bigla na sanang pinagsasaksak kan suspek an biktima.
Huli digdi, nagsapo nin lugad sa manlaenlaeng parte kan saiyang lawas an biktima na tulos idinalagan sa ospital.
Makalihis an insidente tulos nnagdulag an suspek dara an armas na ginamit kaini sa nasambitan ng krimen.
Meintrastanto, tulos man nagkondusir nin follow up operation an mga otoridad na naging rason kan tulos na pagkakadakop kan nasambitan ng suspek.
Sa ngunian, nasa kustudiya na kan mga otoridad an suspek mantang pinepreparar na man an kasong isusunad kontra digdi.
