NAGA CITY– Irido an sarong persona makalihis suntukon asin pagsasaksakon kan duwang suspetsado sa Zone 3 Bgy. Binalay, Tinambac, Camarines Sur.
Binisto an biktima na si Jomar Bandola, 29 anyos.
Sa nagunong impormasyon kan Bombo Radyo Naga napag araman na naglalakaw sa nasambitan ng lugar si Bandola kan bigla na sana ining pinagsusuntok kan suspek na si Christopher Mora alyas “Boyet” asin sinundan kan pananaksak kan suspek na si Joby Alarcon.
Huli digdi, nagsapo nin tama sa manlaenlaeng parte kan saiyang lawas an biktima na tulos idinalagan sa ospital.
Makalihis an pangyayare, tulos man nagdulag na mga suspek dara an ginamit kaini sa pananaksak.
Sa ngunian nagpapadagos pa an imbestigasyon kan mga otoridad manungod sa nasambitan ng pangyayare para sa posibleng pagkakadakop kan mga nagdulag na suspetsado.
