NAGA CITY– Iridu an sarong lalaki makalihis tagaon an sadiring tugang sa Barangay Pagatpat, Calabanga, Camarines Sur.
Binisto an biktima na si Alansan San Juan.
Sa nagunong impormasyon kan Bombo Radyo Naga, napag-araman na mantang nag-iinuman an biktima asin an suspek na si Noel San Juan kaibanan an iba pa nindang tugang kan biglang magkapikunan an suspek asin an biktima.
Katakod kaini, biglang nagkua nin sundang si Noel asin nilapag an saiyang tugang hasta sa maabutan ini.
Nagsapo nin lugad an biktima na tulos man na naidalagan sa ospital.
Sa ngunian, nakakulong na an suspek mantang pigpepreparar na an kasong isusunad kontra digdi.
