Aram baya nindo mga ka-bombo, sarong 24-anyos na Chinese na lalaki na nagpalaag nin skull tattoo sa saiyang lalawgon anom na taon na an nakakalihis an nadidipisilan na maghanap nin trabaho.
An lalaki na pinangaranan na si Mr. A kinilhag an bilog na kinaban huli sa saiyang itsura.
Sigun sa nasambitan ng lalaki, nagrebelde ini kan joven pa asin nagsapo nin depression kun saen an pagpapalaag nin tattoo an saiyang nahiling na comfort sa naeeksperyensiyahan na problema.
Enot na nagpalaag ini nin tattoo sa saiyang lawas alagad anom na taon na an nakakalihis kan magdesisyon na magpabugtak nin skull tattoo sa saiyang lalawgon.
Nagin maogma an 24-anyos na lalaki kan enot alagad kan maglihis an panahon an desisyon kaini na magpalaag nin tattoo an nagin rason kun tano nadidipisilan ini na maaabot an normal na buhay.
