Aram baya nindo mga ka-bombo, sarong 23-anyos na si Kazakh an kasuarin sana nagin kaenot-enoting indibidwal sa saindang nasyon na matrayumpong naggamit nin ChatGPT tanganing i-challenge an traffic violation ticket sa korte.
Kan Disyembre 2024, mantang pigdara ni Kenzhebek Ismailov an saiyang Ina sa ospital sa Almaty, Kazakhstan’s an pinakadakulang siyudad sa nasambitan ng nasyon kan biglang magpundo an behikulo na yaon sa saiyang enotan asin inulangan an haros enterong lane na kun saen ini sana an sulamenteng car lane sa nasambitan ng street.
An solusyon na saiyang naisip iyo an mag-agi sa bypass pasiring sa bus lane patoo o kaya maghalat na sana sa nasa enotan na lunadan tanganing mag-abante.
Pinili ni Ismailov an enot na option alagad an saiyang pagmaniobra an nakuanan kan surveillance cameras na nagin rason tanganing makareseber ini nin ticket.
Pigdepensaran man ni Ismailov an saiyang ginibo alagad an saiyang reklamo an dae pigdangog kan mga otoridad kun kaya pigsakat kaini sa korte an saiyang reklmo. Ginamit kan lalaki an speech synthesis function kan ChatGPT tanganing ini an magsimbag sa mga kahaputan kan Hurado.
Huli sa magayon na kinaluwasan, napiritang kanselaron kan judge an penalty na pigpataw sa lalaki.
Sa ngunyan, pigbubusol ni Ismailov na tawan ini nin kompensasyon huli sa saiyang nasayang na oras taganing depensaran an saiyang sadiri.
