NAGA CITY- Pinagbabadil gadan kan tolong dae pa nabibistong mga suspetsado an sarong lalaki sa Sta. Elena, Camarines Norte.
Binisto an biktima na si Fortunato Comentan.
Sa nakuang impormasyon kan Bombo Radyo Naga, napag-araman na nagtuturog sana an biktima sa laog kan harong kan saiyang tugang kan bigla na sanang maglaog an dae pa nabibistong lalaki na armado nin dae pa maaraman na klase nin badil.
Binadil suboot nin tolong beses kan suspek an biktima na tinamaan sa saiyang payo asin nagresulta sa tulos na kagadanan kaini.
Tulos man na duminulag an suspetsado kaibanan an duwa pa kaining kasabwat na nakalunad sa motorsiklo.
Narekober sa pinangyarihan kan pambabadil an tolong cartridge cases asin sarong basyo kan pigtutubudang caliber 45 pistol.
Nagpapadagos pa ngonyan an imbestigasyon kan mga otoridad tanganing maaraman an motibo sa pambabadil asin tanganing madakop an nagdulag na suspetsado.
