Lalaki, pinagsasaksak sa payo kan saiyang sadiring amigo sa Iriga City

NAGA CITY- Irido an sarong lalaki makalihis pagsasaksakun kan saiyang amigo sa Zone 1 , Kawayan, Iriga City.

Binisto an biktima na si Larry Bodino, 47-anyos.

Basado sa impormasyon na naguno kan Bombo Radyo Naga, nagabot sa harong kan biktima an suspetsado na si Jose Bonda asin nagkaigwa nin dae pagkakaintindihan na napuli sa buntulan.

Duwang beses na sinuntok kan biktima sa payo an suspek alagad sa pag bwelta kan suspetsado, pigsasaksak kaini sa payo an biktima gamit an sundang.

Tulos na pigdalagan sa ospital an biktima mantang nakadulag naman an suspetsado dara an saiyang ginamit sa pananaksak.

Sa ngunyan, nagpapadagos pa an imbestigasyon kan mga otoridad para sa pagkakadakop kan nakadulag na suspetsado.