Aram baya nindo mga kaBombo, kun an kadaklan sa mga tawo nadidipisilan na mag-hike gamit an saindang mga bitis, alagad an sarong Chinese na lalaki an nagin pupular na sa pagsakat sa pinakasikat na mga bundok kan saiyang nasyon gamit sana an mga kamot.
An 38-anyos na si Sun Guo Shan nagpuon sana na mag training kan handstand climbing kan nakalihis na Mayo kan 2023, alagd kan nakalihis na taon pigpuonan kaini an dakulang hamon na magsakat sa 50 most popular mountains sa nasyon nin China pag abot kan Spring 2025.
Dati nang nagtrabaho sa sistema nin edukasyon, narealisar nin Sun an importansya kan salud huli sa pandemya kan COVID-19 asin nagdesisyon na mag training asin pigbisto kaini an mga bulubunduking tanawin sa kakaibang paagi.
Pigpuonan ni Sun Guo Shan an saiyang dae pangkaraniwan na hamon kan nakalihis na Mayo 2024, alagad nag-viral sana ini kan Nobyembre 2024 kan maglakop an sarong clip kaini sa pag-atubang sa Haibat – an pinakahalangkaw na tuktok kan Wudang Mountain sa 1,612 metro – gamit an saiyang mga kamot.
Sa ngunyan, naglalaom si Sun na makumpleto an saiyang 50th handstand climb ngunyan na Spring asin mag apply para sa sarong Guinness World Record.
