Aram baya nindo mga ka-bombo, sarong 74-anyos na lalaki gikan sa India peneke an saiyang kagadanan tanganing maaraman kun isay an mamundo asin maatender sa saiyang bilar.
Susog sa report, an mga tawo sa Konchi, sarong banwaan sa estado kan Bihar sa India an labing nakilhag kan mabaretaan an pagkagadan ni Mohan Lal, sarong 74-anyos na dating Air Force veteran.
Mas orog soboot na makakilhag an pagkundusir nin sarong prusisyon huli ta dae man aram kan haros gabos na tawo sa lugar an biglaang pagkagadan kaini.
Alagad sa ibong kan saindang pagkabigla asin mga kahaputan, an mga tawo sa nasambitan ng banwaan nakisumaro sa prusisyon, saindang ikinamundo an pagkagadan kan lalaki asin nagbali man sa gabos na tradisyon para sa sarong tawong binawian na nin buhay.
Katakod digde, mas orog pang nadoble an kakilhagan kan mga tawo kan biglang magbuhat si Mohan gikan sa saiyang kabaong.
Digde na ipinaliwanag kan lalaki na mawot sana man kaining maaraman kun isay na mga tawo an igwang pagmakulog sa saiya.
Sa ngunyan, tanganing makabawi sa mga tawo sa lugar nag-organisar si Mohan nin dakulang kafiestahan para sa gabos.
