Aram baya nindo mga ka-bombo, sarong lalaki gikan sa London an naggibo nin educational tour asin nakaputan an panibagong Guinness World Record para sa pagbisita kan nasa 42 na museums sa laog kan 24 oras.
Binisto an lalaki na si Ben Melham, 42-anyos asin residente kan nasambitan ng lugar.
Sigun ki Melham, an saiyang mga aki an nag-inspire sa saiya na purbaran na makapagrehistro nin bagong record para sa pinakadakol na museum na nabisita sa laog kan 24 oras.
An mga aki ni Melham an pig-ibahan asin suportado an saindang ama sa obheto kaini na mapasakamot an titulo.
Sa ngunyan, nalampasan ni Melham an record ni Sujoy Kumar Mitra asin Swaroop Dawrani kan Delhi, India kan nakalihis na 2024.
