NAGA CITY- Tulos na binawian nin buhay an sarong padre de pamilya makalihis na saksakon sa banwaan nin Bula, Camarines Sur.
Binisto an biktima na si Felix Barrion, 38-anyos.
Basado sa nakuang impormasyon kan Bombo Radyo Naga, napag-araman na nagluluwas sa inisyal na imbestigasyon kan Bula-PNP, nagtuturog si Barrion sa likod kan harong kan sarong Dante Avila kan bigla na sana ining saksakon kan suspek na si Larry Rivera, 21-anyos gamit an kutsilyo.
Nagsapo nin lugad sa saiyang daghan an biktima na naging rason sa saiyang tulos na kagadanan.
Marikas man na nagdulag an suspek dara an ginamit kaining murder weapon.
Hinihiling na motibo sa panggagadan an haloy na suboot na raot nin boot ni Rivera sa biktima.
Sa ngonyan, padagos an pigkokondusir na operasyon kan Bula-PNP para madakop an suspetsado.
