Lalaki, tinaga kan pig-agyat niya nin iwal sa CamSur

August 11, 2017 | 12:53 PM

NAGA CITY- Irido an sarong lalaki makalihis na tagaon kan lalaking pig-agyat niya nin iwal sa Lagonoy, Camarines Sur.

Binisto an biktima na si Efren Gavica.

Sa nakuang impormasyon kan Bombo Radyo Naga, napag-araman na pig-agyat suboot nin iwal ni Gavica an suspek na si Edwin Dizon, 34-anyos.

Tulos man na nagkua nin sundang an suspek asin digdi na pinagtataga an biktima.

Tulos man na pigdalagan sa ospital an biktima na nagsapo nin lugad sa saiyang payo.

Sa ngonyan, nagtitinir na sa kostudiya kan mga kapulisan an suspek para sa maninigong disposisyon.