Binadil kan mga secret service an sarong lalaki na igwang darang badil mantang ini nasa luwas kan White House.
Sinaysay ni Secret Service Chief of Communications Anthony Guglielmi, na nakakua sinda nin impormasyon dapit sa sarong lalaki na nagbabalak na magpakamatay.
Nagbiyahe soboot ini gikan sa Indiana pasiring Washington kan mahiling ninda an sarong lalaki na nagtugma sa ladawan mantang nakasakay sa saiyang kotse na nakaparada harani sa White House.
Pigranihan ninda an suspek asin nagluwas tulos nin badil hasta magribayan sinda nin putok.
Irido an suspek asin ini an pigdara tulos sa ospital mantang mayong sisay man na irido sa insidente.
Mayo man sa White House si US President Donald Trump kan nangyari an insidente.
Nagsagibo na nin imbestigasyon an DC Metropolitan Police Internal Affairs Division Force Investigation team sa nangyaring insidente.
