Pigsunadan nin kaso an lalaki na biglang sinungaban an aktress na si Ariana Grande.
Nangyari an nasambitan ng insidente sa premiere kan pelikula ni Grande na “Wicked: For Good” sa nasyong Singapore.
Mahihiling sa video an pagrani kan Australian na si Johnson Wen asin kinaputan pa an aktres.
Pigbutong man kan kaparehas na na si Cynthia Erivo si Grande parayo sa lalaki.
Bagaman pinalaya an 26-anyos na lalaki, kakasuhan pa man ini kan korte sa Singapore huli sa public nuisance.
Enkaso mapatotoohang guilty, pagmumultahon ini nin hasta sa $2000.
Mahihiling sa social media kan suspek na igwa nin nagkapirang celebrity na man ining ginambala.
Kaiba na digde an pagsampa kaini sa stage mantang nagkakanta si Katy Perry sa Sydney concert kaini kan nakalihis na Hunyo asin siring man an ginibo kaini sa The Chainsmokers kan Disyembre.
