Aram baya nindo mga ka-Bombo sarong lalaki gikan sa Australia an igwang kapot kan Guinness World Record para sa pinakahalabang personal na pangaran sa kinaban, na pigbibilog kan labi 2,000 middle names.
Binisto an lalaki komo Laurence Watkins, na legal na ipinabago an saiyang pangaran kan nakalihis na Marso 1990.
Sa nasambitan ng pagbabago, pigdugang kaini an 2,251 middle names, kaya nag-abot sa kabilogang 2,253 na tataramon an binilog sa saiyang bilog na pangaran.
Sa ginibong dokumentadong huma, inabot nin labi sarong oras si Watkins sa pagbabasa kan saiyang bilog na pangaran para sa Guinness World Records video.
Kan enot pa soboot kaining kasal, naghaloy nin haros 20 minuto an pagbasa kan officiant sa saiyang pangaran sa seremonya.
An puon pa sana kan saiyang pangaran an pigbibilog kan mga tataramong Laurence Alon Aloys Aloysius Alphege Alun Alured Alwyn Alysander Ambie Ambrose Ambrosius Amias Amiot Amyas Anders Andre Andrea Andreas Andrew Andy Aneirin Anguish Anleifr, asin dae pa kaibahan digde an gabos kan pangaran na nagpupuon sa letrang “A”.
Sigun sa Guinness World Records, nagtitinir si Watkins, an tawong igwang pinakahalabang personal na pangaran sa bilog na kinaban na hasta ngunyan, mayo pang nagpoporbar na higitan an nasambitan ng record.
