Lalaking igwang tama nin bala asin nakagakod pa an kamot, nadukayan sa CamNorte

NAGA CITY- Nabistado na kan mga kapulisan an lalaking nadukayang gadan sa bakanteng lote sa parte kan barangay Talobatib, Labo, Camarines Norte.

Sigon ki PO3 John Cedrick Aragola, hale sa PNP Labo, binisto an nasambitang lalaki na si Miguel Alaon Jr., 54-anyos.

Nadukayan an duguan na lawas ni Alaon sa bakanteng lote sa nasambitang barangay na igwang tama kan bala sa saiyang payo asin nakagakod pa an mga kamot kaini.

Sarong negosyante suboot an biktima asin inaaram pa ninda kun ano an motibo sa pambabadil gadan digdi.

Naglalaom man an mga kapulisan na igwang testigo na mapasiring sa saindang hepatura tanganing madakop an mga yaon sa likod kan nasambitang krimen.