Aram baya nindo mga ka-Bombo, Sa tahaw kan biyahe gikan sa pagbakal nin mga orig sa Negros kan lalaking pigtago sa pangarang “David,” sarong kotse an nagsabay sa saiyang lunadan asin nagwagayway nin kwartang dolyar.
Kan magpundo soboot ini sa dalan, dae na piglaoman an sunod na nangyari kan mahiling an sarong babaeng foreigner.
Sa pagtubod ni David asin kan saiyang kaibahan na maribay nin kwarta an nasa kotse, nagpundo soboot sinda sa gilid kan tinampo.
Sigun pa man ki David, nagbaba soboot an dayuhang lalaki asin pinahilingan soboot sinda nin kadakol na dolyar asin pighanapan nin kwarta.
Pigbuksan pa man soboot kan dayuhan an drawer sa lunadan ninda asin tulos na pigpugulan man ni David hasta sa nag-iba soboot an sitwasyon kan magluwas na man gikan sa kotse an dayuhang babae asin nagrani sainda.
Dugang pa man kaini, sa sobrang gayon kan foreigner na hypnotize soboot ini asin pauru-utro na pigkua an kwarta kaini sa bulsa.
Makalihis na makakua sa saiya nin kwarta an mga dayuhan, naghali asin nagwalat nin regalo na dae na pigsambit kun ano.
Pigsaysay pa man ni David na dae tulos napansin na nawaran ini nin kwarta kaya man dae tulos nakapag report sa mga otoridad huli sa natulala soboot sinda.
Sa ngunyan, labi sa P200,000 na puhunan ninda para sa origan an nawara.
