Aram baya nindo mga ka-bombo na kwela an nagin aberya sa underwater proposal kan sarong couple sa Mabini, Batangas makalihis na mahulog kan lalaki an singsing sa excitement kan mag “I do” an saiyang nobya.
Makalihis kaya an duwang taon kaining “in a relationship,” napag-isipan ni Mark na sinda na kan saiyang nobya an magkakadagusan.
Kaya man naisip ni Mark na mag propose ki Jenny Rose mantang nagsisisid sa irarom kan dagat, na inspired sa mermaid dreams ni Jenny Rose.
Sa labi kaining kaogmahan, marikas na napa – “I do” si Jenny Rose asin nakahalon pa nin tubig.
Si Mark man na excited na isulot an singsing ki Jenny Rose, nahulog an engagement ring.
Kaya napairarom an sisid ni Mark tanganing makua an singsing.
Mientrastanto, sulit man an saindang underwater huli sa saindang prenup video, nautob ni Jenny Rose an saiyang dream na magin mermaid kaiba an saiyang prince.
Natupad man ni Mark an saiyang pangaturugan na mapakasalan si Jenny Rose kan nakalihis na Sabado, Nobyembre 9, 2024.
