NAGA CITY – Arestado kan mga personahes kan Naga City Police Office (NCPO) an sarong lalaki na may magkasunudang kasong rape sa sarong operasyon sa siyudad nin Naga.
Binisto an suspek na si Salvador Burce, 53-anyos. Sa impormasyong nakua kan Bombo Radyo Naga, napag-araman na nadakop sa Naga City Peoples Mall (NCPM) si Burce sa lindong kan warranto de aresto na biniklad ni Judge Erwin Virgilio Ferrer kan Regional Trial Court, Branch 20.
Nasa kustodiya na kan otoridad an suspek tanganing ihampang sa 8 magkasunodang kaso nin panlulugos na mayong rinekomendang pyansa.
Si Burce suboot midbid kan NCPO komo rank number 7 sa saindang listahan kan City Most Wanted Persons.
Advertisement
Advertisement
