Aram baya nindo mga bombo, aki o gurang, namamangha sa ginibo kan sarong lalaki sa saiyang kotse na napapano kan mga kawatan sa Mexico.
An maysadiri, pigheras na may kinaaraman sa saiyang kamusmos asin sa saiyang pangaturogan sa buhay kun tano kaini pigtadtad nin mga kawatan an saiyang behikulo.
Mahihiling an pirang footage kan kotse ni Juan Carlos Flores, na napapano ni mga kawatan gikan sa laog hasta sa luwas kan saiyang behikulo.
Manlaen-laen an mga karakter, hugis asin kulay kan mga kawatan na mano-mano asin matiyagang pigdukot ni Flores sa behikulo.
Para sa saiya, an pag-iipon nin mga kawatan an paagi kaini kan pag-heal sa saiyang inner child.
Estorya pa ni Floresa na bihira sana ini magkaigwa nin kawatan kan aki pa ini kawsa kan kapagteosan.
Sa saiyang paggurang, nakaeskperyensiya ini nin kadakol na angat sa buhay.
Sa saiya man na pagtatrabaho komo sarong construction worker sa Texas, USA, napa-deport ini pabwelta sa Mexico asin kinaipohan ba liwat mag-puon.
Mantang naeeksperyensiyahan an siring na pagsakit, nakatabang sa saiya an pagkakaigwa nin mga kawatan.
Sa paaging ini, namamatean kaini na maski papano, igwa nin natutupad sa saiyang mga pangarap.
Agaw-atensyon an kotse ni Juan sa mga tawo. Para ki Flores, an pagkakaigwa nin mga kawatan an nagsisimbolo sa mga pangarap na padagos kaining paglalapigotan na makaputan.
