Lampas 20 nalugadan sa pagsabog sa Northern Israel

Lampas sa beynte katawo an nalugadan sa pagsabog na nangyari sa Ramim Ridge, sa norte kan Israel, kan Lunes, Oktubre 12.

An mga biktima iyo an mga estudyante asin paratukdo na nasa sarong field trip harani sa Pe’er observation point.

Naiulat an insidente harani sa border kan Lebanon.

Duwa sa mga nalugadan an nasa kritikal na kamugtakan.

Mantang tolo man an nagtamo nin moderate injuries.

An natatada na kinseng indibidwal an nasa maayos nang kamugtakan, segun sa Magen David Adom (MDA).