Pigbusol kan Commission on Elections (Comelec) an propwestong ley na matao nin awtomatikong paglangkaw nin honoraria para sa mga miyembro kan Electoral Board (EB) kada halalan, ini tangani dae na sinda pirmeng mag apelar para sa dugang na sweldo.
Sigun ki Comelec Chairman George Garcia, obheto kan propwesto na magkaigwa nin nakatalaang paglangkaw sa honoraria sa kada halalan tangani matawan importansya an serbisyo kan mga miyembro kan EB.
Sa halalan kan nakalihis na Mayo 12, an honoraria ay pigtalaan sa P13,000 para sa chairman, P12,000 para sa poll clerk asin ikatulong miyembro, asin P9,000 para sa support staff.
Para man sa volunteer staff gikan sa Department of Education, an bagong rates an P12,000 para sa mga supervisor, P9,000 para sa administrative support staff kan mga supervisor, asin P10,000 para sa technical support staff kan mga supervisor.
Kaiba sa mga kantidad na ini an dagdag na P3,000 na pigsugo ni Presidente Ferdinand R. Marcos Jr.
Sinaysay ni Garcia na posibleng ipautob an paglangkaw kan honoraria sa nararani na Barangay asin man Sangguniang Kabataan Elections sa Disyembre 1
