Nagsabat sa enot na aldaw nin Pebrero an langkaw presyo sa Liquefied Petroleum Gas (LPG). Susog sa Department of Energy na igwa nin P0.70 sa kada kilo nin LPG.
Nangangahulugan ini na dagdag P7.70 sa kada 11 kgs. kan household LPG cylinder. Saro sa mga rason na nahiling kan DOE iyo an halangkaw na demand kan LPG sa pang kinaban merkado.
Magkakaigwa man nin dagdag-bawas sa presyo nin mga produktong langis sa masunod na semana. Basado sa pagtaya kan DOE na mahiro nin nasa P0.40- P0.70 sa kada litro an paglangkaw sa gasolina.
Mantang an diesel an may bawas na nasa P1.30 – P1.60 sa kada litro. Siringman sa kerosene na igwa nin bawas na P0.85- P1.00 sa kada litro.
Sa aldaw pa nin Lunes maaaraman kun gurano an dagdag-bawas sa presyo nin mga produktong langis na minsan pigpapautob kadalasang sa aldaw nin Martes.
