Ipigkundusir an launching nationwide kan pagpapabakal nin P29 kada kilo kan bagas kasabay kan kompleanyo kasuudma ni PBBM. Sa paghampang sa mga kagawad kan media ni Engr. Gaudencio De Vera NIA-Bicol Regional Manager, sinaysay kaini na sa bilog na Bicol Region an mga probinsya kan Catanduanes, Masbate, Albay, Sorsogon, Camarines Norte asin Camarines Sur sa mga Regional Office.
Nagkaigwa nin launching kan pagpapabakal nin P29 kada kilo kan bagas sa irarom kan programa na Kadiwa ng Pangulo sa NIA an kun sain ini Bagong Bayaning Magsasaka (BBM Rice) sa manlaen-laen na tindahan nin Kadiwa sa rehiyon kan Bicol kun saen ini pwedeng bakalon sa halagang P2/KG (10kls/bag) an bagas an hale sa manlaen-laen na Irrigators Association Contract Farming.
An programa na ini an para sa vulnerable sector orog na an mga Senior Citizens, PWD, 4ps beneficiaries asin Solo parents. Sa presente igwa nin nasa 1,500 hectares na tanuman sa Bicol Region kun sain piglalaoman na makakaku nin nasa 2,200 bags per 10 kilos, kun sain an ipigharvest kan bulan nin Agosto an paroy na gikan digde mantang ini an ipigpapabakal sa P29 kada kilo kan bagas, asin nasa 10% pa sana an na-aani.
Mawot pa man na maipalawig an programa hasta 5 bulan asin mas pahewason hasta sa 3,000 hectares an mga omahan na pagkukuanan nin bagas sa Bicol Region sa masunod na Contract Farming.
Siringman an mawot na madumanan kan programang ini an gabos na banwaan nin Camarines Sur asin iheras an kagayunan kan programa asin an pagpapabakal kan P35 regular price kan mga bagas para sa mga bakong mga nasa vulnerable sector.
Nagpapasalamat man an opisyal sa Department of Agriculture orog na sa kompleto na an nasa Kadiwa Program huli sa bako lang bagas an ipinapabakal alagad pati na mga gulayon.
Dugang pa nin De Vera na nabigla man sinda kan ibinalik ni Presidente Marcos Jr. an superbisyon kan National Irrigation Administration (NIA) sa Office of the President (OP) sa Executive Order No. 69 na may petsang Setyembre 5, kun sain pig-reorganisar man kan Presidente an board of directors kan ahensya, na dati nasa irarom kan Department of Agriculture (DA) na obhetong mas mapakarhay an seguridad sa pagkakan asin pag-uswag kan imprastraktura.
