Pig-anunsyar ni US President Donald Trump an nominasyon ni Florida Businessman Lee Lipton komo masunod na Ambassador kan Estados Unidos sa Pilipinas, karibay ni MaryKay Carlson, sarong career diplomat na nagsirbi sa nasambitan ng posisyon puon pa kan taong-2022.
Si Lipton an presenteng nagsisirbe komo interim Permanent Representative sa US Mission to the Organization of American States (OAS).
Alagad maski nagpuon sa tradisyunan na linyada kan mga diplomat, si Lipto an bistado sa ladangan kan negosyo asin igwang mahewas na eksperyensiya sa mga international affairs sa rehiyon kan Latin America.
An riribayan kainingbsi Carlson iyo an beteranong diplomat na igwang labi tolong dekada sa serbisyo sa luwas kan Estados Unidos.
Sa saiyang pagserbi sa Pilipinas, pinangenotan laini an mga inisyatibo sa seguridad, kalakalan, edukasyon sa tahaw ka duwang nasyon.
An nominasyon ni Lipton an parte kan padagos na pagpapakarhay kan administrasyong Trump sa mga posisyon kan ambassador sa Asia-Pacific region.
Piglalaoman na an saiyang appointment an magpapatibay pa sa koneksiyon kan America asin Pilipinas, orog na sa ladangan kan ekonomiya asin seguridad.
An nominasyon an isusumiter sa US Senate para sa kumpirmasyon antes ini pormal na manungkulan komo envoy.
