Idudulog kan Malacañang sa Department of Justice (DOJ) kun ano an pwedeng magin legal na aksyon para sa mga reklamong pigkaatubang ni dating Presidential Spokesperson Harry Roque.
Kasunod ini kan nagin pahayag ni Roque na dae pa man ini soboot pwedeng obligaron kan Pilipinas na magbalik nin nasyon, dawa na dae kaini kaiba sa legal team ni dating Presidente Rodrigo Duterte, orog na ta maikokonsiderar soboot ini na asylum seeker.
Sigun man ki Palace Press Officer Claire Castro na sa presente, hasta sa mayo pang kaso ki Roque ay dae pa ini maikokonsiderar na fugitive.
Dae man soboot maihahagad sa International Criminal Police Organization (Interpol) na magkaigwa nin Red Notice, kaya man mas marahay na idulok na muna ini sa DOJ.
Liwat man na nangapudaan si Castro ki Roque na mag uli na sana ini nin nasyon asin man atubanganon an mga naghahalat na asunto.
