Pigkumpirmar ni Vice President Sara Duterte na nabilog na an legal team na madepensar ki dating Presidente Duterte sa International Criminal Court (ICC).
Sa saiyang pag atubang sa media asin supporters sa luwas kan ICC sa The Hague, sinabi ni VP Sara na nakaulay na man kan dating Presidente an saro sa mga bagong abogado.
Kinumpirmar man kan panduwang Presidente na naisumiter na man kaini sa legal team an pinakahuring mga dokumento gikan sa ICC Detention Unit.
Natapos na man soboot ninda an sistema sa magigin papel kan kada abogado. Sigun pa ki VP Sara, natapos na kaini an saiyang trabaho kaya man pwede na ining magpuli nin Pilipinas. Soboot, an maribay iyo si Cong. Paolo Duterte.
Mientrastanto, liwat man na pighurot ni dating Presidente Rodrigo Duterte na an saiyang ginibo an para sa nasyon. Ini an mensahe kan dating Presidente kan bisitahon ini kan aki na si Vice President Sara Duterte.
Sigun sa bise presidente na mawot kan dating Presidente na rikasan an proseso kan saiyang kaso.
Pigkahadit kaya kan 80-anyos na dating Presidente na baka abuton pa ini kan saiyang pagtalikod sa kinaban mantang yaon sa kustodiya kan International Criminal Court (ICC).
