Pormal nang nagsumiter nin entry of appearance an mga abogado ni Vice President Sara Duterte para sa saiyang impeachment trial, sigun sa kumpirmasyon kan tagapagtaram kan Senado.
Sigun ki Atty. Reginald Tongol, tagapagtaram kan Impeachment Court, naresiber kan Senado an dokumento gikan sa Fortun Narvasa & Salazar law firm kan Lunes, nin pagkahapon.
Dugang pa kaini, na an Office of the Secretary of the Senate an nagresiber kaini komo clerk kan impeachment court.
Kabali sa mga abogado ni Duterte sinda: Philip Sigfrid Fortun, Gregorio Narvasa II, Sheila Sison, Carlo Joaquin Narvasa, Roberto Batungbacal, Justin Nicol Gular, Lindon Miguel Bacquel, David Ronell Golla VII, Maria Selena Golda Fortun, Clarlaine Radoc, Francesca Marie Flores, Miguel Carlos Fernandez, Michael Wesley Poa, Reynold Munsayac, Mark Vinluan asin Ralph Bodota.
Mayo pa nin pahayag gikan ki VP Sara Duterte katakod sa bagong yugto kan proseso kan impeachment.
