Pangenot na gagamiton komo midyum nin pagtutukdo sa mga klase sa kindergarten hasta Grade 3 an lenggwaheng Filipino asin Ingles puon ngunyan na school year 2025-2026, sigun sa Department of Education (DepEd).
Ini alinsunod sa DepEd Order No. 020, series of 2025, na nag-iimplementar kan mga probisyon sa irarom kan Republic Act No. 12027 o sarong ley na nagpapauntok sa paggamit nin Mother Tongue o dayalekto komo midyum sa pagtutukdo puon Kinder hasta sa ikatulong grado.
Sakop kan nasambitan ng DepEd order an gabos na eskwelahan sa elementarya sa nasyon.
Maserbi man an mga dayalekto sa mga probinsiya komo “auxiliary” o pantabang sa pagtukdo kan mga paratukdo tanganing matabangan an mga estudyante na mas masabutan an saindang mga pig-aadalan.
Pwede man na gamiton kan mga paratukdo an Filipino Sign Language sa mga klase para sa mga estudyanteng igwa nin kaluyahan sa pagdangog.
