NAGA CITY – Pigpaliwanag kan LGU-Buhi kun tano nagkakaigwa nin fish kill taon-taon sa saindang danaw.
Sa entrevista kan Bombo Radyo Naga ki Jovenson Narra Lake Development Designate kan LGU Buhi, sinaysay kaini kan mag-agi an bagyong Opong sa Rehiyong Bikol kasuarin sana nagkaigwa nin fish kill sa saindang banwaan.
An rason soboot kun tano nagkakaigwa nin siring na insidente iyo an pagbaba kan oxygen sa irarom kan tubig.
Nangyayari an fish kill duwang beses kada taon asin perming apektado an portion kan Barangay Tambo asin Bayugan.
Apwera digde, pirme man nangyayari an fish kill tuyong tag-uran o maraot an panahon na saro sa mga paagi tanganing malinigan an irarom kan tubig.
Dugang pa kan opisyal, an presyo kan sira naglalangkaw makalihis an fish kill, alagad kun nasa kasagsagan pa sana hababa soboot an presyuhan huli ta mawot kan mga paratienda na mapaubos an mga sira.
Mientrastanto, tanganing masimbagan an siring na insidente, pigsusuhestyon an pagpauntok kan aqua culture o an pag-aataman nin tilapya.
Saro soboot kaya ini sa mga contributor nin pollution na naco-convert sa kemikal sa irarom kan katubigan kaya nagbaba an oxygen.
Sa ngunyan, hagad na sana ni Narra sa mga residentes asin mga parasisira kan nasambitan ng lugar na kung pupwede iharvest an tilapya i-harvest na tanganing malikayan an stocking asin fish kill
