NAGA CITY – Mas paglalapigutan pa kan LGU Naga an mga dapat iprayoridad na mga proyekto asin programa sa syudad nin Naga.
Sa nagin paghampang sa mga kagawad kan media ni Naga City Mayor Leni Robredo pigheras kaining sa presente padagos na naghahalat an lokal na gobierno kan siyudad nin Naga sa mga equipment asin naglalaom an alkalde na 1st quarter kan 2026 mag-arabot an nasambitan na equipment.
Enkaso man mag-abot na mas paglalapigutan na kaini an paghaman sa mga programa asin proyekto sa syudad.
Pigbuyagyag man kaini na labi an importansiya asin naitabang kan pagbukas kan “My Naga App” orog na sa mga napapabayaan na services.
Sa ngunyan an City Hall team mababa para sa pagbisita kan mga problematic areas tanganing makatabang man asin matukoy talaga an kawsa asin maresolbaran an mga problema.
Asin target kan alkalde na mabawasan na an backlog na labi 6000 houses na nangangaipuhan nin tabang.
