NAGA CITY- Nagdugang nin mga garbage truck an LGU-Naga sa bilog na Naga City.
Sa nagin paghampang sa mga kagawad kan media ni Naga City Councilor, Jose Perez, pigsaysay kaini na ini an indikasyon na igwa soboot supisyenteng pondo an lokal na gobierno kan nasambitan ng ciudad.
Dugang pa digde, na kada taon nagkakaigwa nin duwang panibagong truck alagad huli man sa pandemya napundo ini asin dinivert an funding priorities kan ciudad nin Naga.
Alagad ngunyan na tapos na man soboot an pandemya nakabakal na nin mga bagong garbage trucks orog na man ta nagdudugang na an mga basura, naglalangkaw na an standard kan negosyo, nagdadakol na an mga subdivisions asin iba pang mga establisyemento kaya kun manunutaran soboot kaipuhan na magdugang nin mga bagong edificio para man sa pagkolektar kan mga basura.
Naglalaom man an opisyal na orog na makatabang an mga dugang na mga garbage trucks.
Pigtawan-duon pa man kan opisyal na an mga reklamo kan mga ibang establisyemento huli man sa mga clog drainages na nagigin kawsa kan pagbaha.
Mientrastanto, dugang pa kan opisyal na kun manunutaran nahiling tolos soboot an epekto kan pag-abot kan apat na garbage truck huli ta malinig na an ibang parte kan ciudad asin nagkaigwa nin pagmanehar sa basura.
