NAGA CITY- Padagos na pigpapakarhay kan lokal na gobierno kan siyudad nin Naga an dapit sa pagkakaigwa nin tamang empleyado sa City Hall.
Sa nagin paghampang sa mga kagawad kan media ni Naga City Mayor Leni Robredo, sinaysay kaini na pag-abot sa paghire nin mga indibidwal, kun ano an nawarang o nabakanteng posisyon huli sa mga nagresign o nag retired iyo man an pigpapanuan sa presente.
Sigun ki Robredo, sa laog kan pitong bulan na pagtukaw kaini komo alkalde kan siyudad kadakol naman an nag retire asin nag resign an iba an hinali huli ta bakong marhay an record, dae naglalaog asin dae nagba-biometrics.
Dugang pa kan opisyal, labi an turn over nin mga empleyado huli ta dae nakakatangro nin halangkaw na sweldo asin permenant na position an LGU siringman an iba for experiences na sana an pighahanap.
Mientrastanto, pig-abisuhan man kan alkalde an mga Department Heads na hinay-hinay sa pag-appoint tanganing mabalanse asin malaugan an nasa tahaw.
Pigsaysay man ni Robredo, nagpa work load analysis ini kun pira an kaipuhan na empleyado tanganing maitao an gabos na pangangaipuhan ninda asin malikayan an mga darakulang problema.
