NAGA CITY – Pigheras kan alkalde kan siyudad nin na Naga an mga dapat na i-improve sa sitwasyon sa mga Evacuation Center.
Sa nagin paghampang sa mga kagawad kan media ni Mayor Leni Robredo, sinaysay kaini na kaipuhan masimbagan an kakulangan sa mga evacuation center orog na an pagkakaigwa nin nakatuka na paralinig sa comfort room.
Siring man an kakulangan nin mga facilities na para sa mga aki asin man an mga evacuation center na dae nasasakatan nin tubig na gagamiton.
Katakod digde, mabilog man nin resolution na kun saen gigibuhan nin protocol na magkaigwa nin opisina sa city hall dawa bakong disater para sa mga evacuees asin tanganing malikayan an anuman na miscommunication.
Alagad an improvement na ini an para sa mga evacuation center sa siyudad an piglalaoman na masasagibo padikit-dikit tanganing mas magin polido an gigibuhong pagbabago.
Sa ngunyan, pigsierto na sana kan alkalde na padagos an saindang paglalapigot tanganing mapanuan an gabos na pangangaipuhan kan mga residente sa siyudad nin Naga.
